السبت، 27 نوفمبر 2010

ابن الدايرة !!



الهلال مع الصليب واحد شاى ومعاه حليب
فلنتحد جميعا ونقف يدا واحدة ولندعم ابن البلد البار ابنكم الحبيب رمز الهلال
ولا وفد ولا اخوان .. الوطنى هو الكسبان
==
عندما اسمع هذه العبارات ادرك دون ادنى عناء ان هذه فترة الانتخابات !!
فتجد ان كل الشوارع والميادين قد تكدست بصور اسم النبى حارسه" المرشح "
لافتة هنا وصورة هناك .. مما يثبت النظرية القائلة " وما الحياة الا استوديو كبير "
هذا هو ابنكم البار رجل الانجازات العظيمة فلقد اثبت تحليل"دى ان ايه
انه من دمكم وانه ابن البلد
وابن البلد اللى على حق ميقولش للانتخابات لا
هذا هو المرشح الهمام يظهر" بنيو لوك" جديد حتى يخالف اعدائه من المرشحين
فلقد ابتكر نوعا جديدا من الدعاية الانتخابية .. فهو يسير بين حاشيته ومن خلفهم فرقة موسيقية تعزف الحانا تشعرك بأنك فى حفل زفاف
وكأن المرشح اراد ان تكون الانتخابات على واحدة ونص
يالها من مسيرة .. لكن ينقصها شىء واحد حتى تزيد اشتعالا .. حقا ينقصها " راقصة " حتى يهتز الشعب ويحرك ساكنا ويرشح ابن البلد
وقد قامت حاشيته بتأليف أغنية لمرشحهم تحمل اسمه واسم القرى وبعضا من الهتافات الحماسية
أهؤلاء حقا من يمثلوننا فى البرلمان ؟!!
ما أكثر عطائهم فى مثل هذه الايام .. نقود تتبعثر وأموالا توزع وأعمالا خيرية تقام .. يالها من تقوى
كل منهم يدلى برأيه فى مستقبل دائرته . فقد وضع خطة استراتيجية سوف تصعد بأبناء دائرته الى السحاب
ويعطى الكثير من الوعود بأن المستقبل مشرق والفجر قادم والظلام سيتلاشى وانا لله وانا اليه راجعون
ولكن بعد ان ينهى كل هذه الوعود .. يعقب على كلامه قائلا .. بس بشرط انكم تساعدونى
فتأخذ الحمية والعصبية ابناء دائرة ويدافعون عن من يمثلهم بدون كلل أو ملل
فنجد ما نجد من المعارك التى تحدث بين ابناء الدائرة الواحدة
فقد قتل من قتل وجرح من جرح ..ويبقى الامل فى الجملة الشهيرة .. قطن وشاش وحاجة ببلاش

ونظرا للخبث الذى انطوى عليه صدرى .. اعود الى الوراء خمسة اعوام فقد تكرر هذا المشهد امامى
هاهى المسيرة تتقدم والوعود تُقَدم وها هو البرنامج الانتخابى
لم يحدث منه شىء ولم نرى وجه المرشح الذى نجح فى تلك الحقبة الزمنية
فكل ما يبحثون عنه هى " الحصانة " . .. فبعد أن يأخذوها يغنون جميعا " هات الحصانة واقعد لاعبنى "

وعلى الناحية الاخرى نجد ان نتيجة الانتخابات قد وضعت قبل اجرائها وان كل شىء تحصيل حاصل
ففى كل مرة يقولون : ستكون الانتخابات فى هذه المرة نزيهة "
بيد ان نزيهة اتجوزت ورافعة قضية خلع على جوزها علشان مش بيعاملها كويس

والمستفيد من كل هذه الاحداث اثنان لا ثالث لهما
الذى نجح فى دخول البرلمان .. والذى باع صوته للنائب الذى نجح
وكل واحد على أد صوته .. وسعر الصوت فى اول اليوم مش زى سعر الصوت فى أخره
فلتكن نبيها وتؤجل التصويت الى أخر اليوم وكل ما تتأخر أكتر سعرك معانا هيكبر ويكبر

هذا ينطبق على الاغلبية من النواب الذين لا نراهم ولا نسمعهم بعد نجاحهم .. الا من رحم ربى
ان التغيير قادم لا محالة .. فقط كل ما عليك فعله
هو ان ترقع بالصوت
الموافق على هذا القرار يتقدم برفع يده
" منافقة "

الاثنين، 4 أكتوبر 2010

يبقى انت اللى ضربت قفايا أه يا قفايا


المصرى الأصلى دائما ما يقول .. أنا مش خرونج انا كينج كونج
وما حدث وما يحدث دليلا واضحا على ان تلك المقولة تفرض نفسها على المواطن المصرى
فرأينا منذ شهور احداث الشغب الجزائرى وما حدث للمصريين القدماء على أرض السودان من انتهاك حقوق قفا المواطن المصرى

فى هذه الاوقات تذكرت مقولة " مصر والسودان " وتذكرت أيضا شارع مصر والسودان
فلقد أثبت علماء النحو ان هذه الجملة بها ضمير محذوف تقديره الجزائر تم حذفه للرقابة
ورأينا ان قفا المواطن المصرى له مقدرة كبيرة على تحمل الصفعات واللكمات

ولكن حدث ما يؤكد هذا ايضا
فأثناء مباراة الاهلى والترجى التونسى .. اثبت قفا المواطن المصرى انه الاكفأ والأكثر تحملا من قفا باقى الشعوب العربية
فرأينا رجل من أمن الاستاد ملقى كفريسة بين أيدى جماهير الترجى .. وانهالو عليه جميعا كضربة رجل واحد وأحدثو طرطشة لكمات كبيرة جدا على الرجل المسكين
الذى كان ينتظر تلقى العون من الاستاد الذى تكدس بالامن المسئول عن سير المباراة دون احداث شغب

وكما عودنا الامن المصرى ان من تدخل فيما لايعنيه يبقا راجل زى الفل
فتركوه ملقى بين ايديهم هذا يضربه وهذا يلكمه وأخر يفتك به
وكأنهم فى حالة اختبار لقفا المواطن المصرى

فلتنعم الحكومة المصرية بتأكدها بأن قفانا صالح للضرب ومطابق لكافة المواصفات .. وانه قفا جامد جدا يعنى
ولكن تحضرنى بعد الاسئلة .. ماذا تفعل الحكومة المصرية بعد أن تأكدت من صلاحية قفانا .. هل ستتركه فى مرحلة اختبار قادمة ام يتضع حد لتلك المهاذل التى نراها عيانا بيانا

فنرى فى كل مرة من يخرج علينا بعبارات رنانة وخطب شديدة فيحدثنا قائلا .. تحكمنا العروبة ولا داعى للفتنة
اى فتنة هذه التى تتحدثون عنها .. المخطىء لا بد أن يعاقب .. فلا داعى لنُدخل العروبة فى مثل هذه الاجواء .. العروبة لن تهتز اذا مأاخذنا حقوقنا من تلك القلة التى تعدّت على مواطنينا .. بدون وجه حق

الذى ذاد من كمية استفذاذى هو صمت الامن المصرى وعدم تدخله لتهدئة الاجواء وانقاذ ما يمكن انقاذه
فاكتفو بالمشاهدة . ولم نرى تدخلهم الا بعد حدوث الفوضى العارمة . ومع جمهور الترجى مش هتقدر تغمض عنيك

رسالة من الشعب الى الامن
.. قفانا اتحمل كتير وتعب من تحمل الاهانات
فيا ترحمو قفانا ..يا اما توفرولنا قطع غيار للقفا .. واننا نرى ان الحل الاخير هو الافضل لاننا على يقين تام انكم مش هترحمو قفانا

وأنا مازلت واثقا تمام الثقة باننى لست خرونج وأننى كينج كونج.. وان كرامة المصرى تتناسب طرديا مع طول وعرض وارتفاع قفا المواطن

وأؤمن بأن الضرب على القفا يقلل المعرفة.. ولا عزاء لقفانا
!!
وختاما أتذكر قول الفنانة شويكار عندما كانت طوال فيلمها تردد جملة " يبقى انت اللى قتلت بابايا أه يا بابايا "
والذى ترجمها الشعب المصرى الى " يبقى انت اللى ضربت قفايا أه يا قفايا"

الفيديو يعبر أكثر من الكلام

الجمعة، 1 أكتوبر 2010

مصر هتختار طعمها !!


على دقات الثامنة صباحا استيقظ مفزوعا لأجد نفسى مستلقيا على فراشى ..شىء ما يدور امام عينى .. لم استغرق وقتا طويلا لكى ادرك بأنها المروحة بعد استيقاظى من نوم عميق .. وبعد اداء صلاة الصبح المفروضة التى يغفل الكثيرون عنهاجلست فى حجرتى .. شىء ما امام عينى يؤرقنى .. ألا وهو ريموت التلفاز هممت بالضغط عليه .. فوجدت ان مصر بتختار طعمها.. وعلى طريقة ابراهيم نصر ... ما تيجى نشوف

فى الوقت اللى كانت مصر بتختار طعمها برعاية شيبسى كان فى حاجات كتيرة بتحصل حوالينا فى بلدنا ام الدنيا مصر " وردة كل عصر"وبرغم ان ناس كتيرة شاركت فى الاختيار دا منهم اللى اختار بطعم البطيخ .. ومنهم الى اختار بطعم المكرونة " بالصلصة طبعا "وحاجات غريبة كدابس الغريب فى الامر ان وسط الاختيارات دى كلها كان فى ايدين خفية بتختار بطعم مختلف وغريب فى نفس الوقت ..الاختيار دا شد انتباهى لانه كان ليه مذاق خاصخلونا نتعرف على الطعم مع بعض

بعد اطمئنانى على مستقبل مصر المحصور فى كيفية اختيار طعمها.. نزلت للشارع كى اشاهد المنظر بنفسى لقيت الزبالة منتشرة فى كل مكان ومصادر التلوث كتيرة ..ولما سألت واحد وقولتله " هى ليه الناس مش بتتكلم عن التلوث دا.....قاللى " الناس مش فاضية .. الناس بتختار طعمها دلوقت فجال فى خاطرى " حلوة خاطرى دى " ان اختيار الطعم مهمة قومية .. وبما انى مخترتش طعمى لسة يبقا انا خاين للوطن .. وقولت انى هفكر فى اختيار طعمى مع المصريين

بعد اللى حصل دا . روحت لاحد المصالح الحكومية لقيت الرشوة منتشرة فى فى كل مكان .. كنوع من انواع الكوسة.. مشكلتى مع الكوسة انى مش بعرف اقور.. علشان كدا مش بستخدمهاسألت واحد كان واقف قولتله " ليه الناس مش بتتكلم عن الرشوة وسايباها كدا"قاللى " الناس مش فاضية .. الناس بتختار طعمها " ..فى الوقت دا كانت الناس بدأت تختار بطعم السمك .. ونا لسة مفكرتش اختار طعمى .. ودم الوطنية بدأ يغلى فى عروقى .. وقررت انى هختار طعمى .. لانى زى منتو عارفين وطنى من طراز خاص

فى الوقت دا بدأ التحذيرات تنزل فى التليفزيون ان اى حد يختار طعمه " يلحق يبعت قبل أخر يوليو"بعد ما خلصت مصلحتى فى المصلحة الحكومية .. ووقوفى فى طابور اوله عند رمسيس وأخره عند الدائرى نزلت الشارع لقيت فى ناس كتير متجمعة .. شايف الراجل اللى هناك دا .. أيون اللى شايل ابنه على ايده دا .. ماسك فى ايده التانية صورة مكتوب عليها " كلنا خالد سعيد "وفوجئت ان الناس دى مختارتش طعمها .. وانهم بيطالبو بحق الشهيدهنا اصابتنى حالة من الحيرة الشديدة .. الناس دى وطنيين وف نفس الوقت مش بيختارو طعمهم ..والناس التانيين وطنيين وبيختارو طعمهم ومش عارف امشى مع مين
فى الوقت دا كان فى ناس كتير اختارت طعمها .. طعم الملوخية ..وبطعم الطعمية ونا لسة محتار اختار الطعم بتاعى .. واللا اطالب بحق مصر

وفى حين ما كانت الناس بتختار طعمها .. جيت قضية رجائى سلطان .. ومحمد صلاح .. وقضايا فساد فى كل مكان..حوادث هنا .. ومشاكل هناك .. والناس لسة بتختار طعمها
فى الوقت دا يوليو كان قرب يخلصوبرغم المشاكل الكتيرة اللى بتحصل لينا .. شيبسى قدرت تحسم الموقف.. ونقذتنى من الحيرة اللى انا فيها

لما روحت وفتحت التليفزيون لقيت حاجة غريبة " افرحو يا مصريين .. الله يا صيادين ...مصر اختارت جمبررىىىىىىىىىىى"وهتافات من هنا وهناك ..يتبين منها كما لو أن مصر فاازت بكأس العالم مع ان اصغر مشكلة فى مصر اهم من كأس العالم .. زى مثلا ازمة رغيف العيش " ادام الله ذكره " اتضحلى ان الناس مخترتش طعم جمبرى وان الناس مصممة انها تختار طعم الحشيش .. اللى أذهب عقلهم .. وخلاهم ميفكروش فى حاجة . بسبب التخدير اللى عايشين فيه فيا ترى شيبسى هتقدر تنزلنا طعم جديد يفوقنا من اللى احنا فيه..هتخلينا نعرف مطالبنا الحقيقية وحقوقنا .. واللا هتكتفى
بالجمبرى

انا متابع الخطة ولو حصل تغيير مش هبخل عليكم .. لأن اختيار الطعم واجب وطنى يحتم على كل واحد فينا انه يختار طعمه
بس للأسف يوليو خلص ..فهستنى للمرة اللى جاية اللى هيعلنو فيها عن فتح باب اختيار الطعم

تحذير شديد الاهمية " ياريت تبقى تبعت قبل أخر يوليو ".. بس

الاثنين، 20 سبتمبر 2010

واحد شاى .. مُر مثل الواقع




لاول مرة افكر انى اكتب مقدمة وقولت انا هكتب مقدمة نا روهتعجبكم وهتنبهرو بيها وهتكملو الموضوع للاخر

بس للاسف دا مش هيحصل لانى مش هكتب مقدمة اصلا


فى يوم من الايام مر شريط حياتى ( اسوة بكتاب حياتى يا عين ) ادام عنيا وافتكرت السنين الكتيرة اللى انا قضيتها فى التعليموبالفعل اتعلمت ( قصدى حفظت المناهج ونسيتها بعدالامتحان )!!واخدت الثانوية ودخلت الجامعة

واجتهدت لدرجة انى كل سنة كنت بنجح بمادتين بس


قضيت سنين الجامعة ضحك ولعب وجد وحب وشوية مذاكرة لزوم الجامعة يعنى

والحمد لله نجحت واخدت البكالوريا ( زى ما بيقولو ) وطبعا لما انا اخدت الشهادة مقعدتش ساكت كدا!!انا عملت اللى كل الناس المفروض تعمله اخدت الشهادة وعلقتها على الحيطة بواسطة مسمار صلب ( من انتاج مصانع عز طبعا) !!


وقولت انا هاخد راحة شهر على بال ما الوظيفة الحكومى تيجى اهو منها تبقا راحة وانتظار قطر الشغل الحكومى ومنها استعد للشغل تلاتة فى واحد ( زى بونكس للغسيل كدا

والشهر خلص بسرعة والشهر التانى بردو خلص ولما الشهر التالت والرابع خلصو قولت مبدهاش بقى فين الشغل الحكومى اللى انا مستنيهقولت الحل انى اصبر كمان لحد ما الشهر الخامس يعدى ولما الشهر التامن عدا هو كمان مقدرتش اصبر اكتر من اتناشر شهر لحد ما صبرى نفد


وفى يوم قررت انى انزل ادور على شغل فى قطاع خاص لانى سألت اصحابى اللى متخرجين قبلى بتلات سنين على حل لمشكلتى قالولى تعالى دور معانا!على شغل وف خلال سنتين تلاتة هتلاقى شغل ان شاء الله!!وطبعا كعادتى انى لازم استفيد من نصايح الاخرين لان النصايح دى متولدة عن تجارب سابقة فاخدت بنصايحهم وفضلت ادور على شغل فى قطاع خاص ونظرا للخبث الذى انطوى عليه صدرى _ حلوة انطوى دى_فضلت ادور على شغل فى قطاع خاص من وراهم


وكانت النتيجة واحدة ان محدش فينا لقى شغل ولا فى القطاع العام ولا فى القطاع الخاص

وفى الوقت دا طبعا والدى كان جاب اخره معايا لانه كان مستنينى اتخرج واشتغل واريحه واعيشه فى بيت شرح وبرح واعوضه عن سنين البؤس والحرمان اللى عاشها علشان اتعلم واتخرج


وبعد وصلة الاحلام دى نرجع للواقع المرير اللى احنا عايشينه

والدى كان راجل عنده بعد نظر _مش مرض فى العين_ لا انما كان بيعمل حساب لقدام

فكان حاسس بينا كشباب عاطل وحاسس بالمعاناة والايام السودة ( اقصد المعنى الحرفى لكلمة سودة ) اللى بنعيشهاالمهم فضلت ادور على شغل واستمريت فى الروتين اليومى دا مدة مش كبيرة ومش قليلة فى نفس الوقت


ففكرت انى افتح محل دباديب وهو فى الفلانتاين داى هعمل احلى شغل

بس بصيت لحال الحبيبة صعبو عليا لان فى اشاعات مغرضة بتقول ان كوز المحبة اتخرم

واللى اكد الاشاعة دى _سمية _ لما قالت _هدوق قلبه طعم الذل هخليه من حياته يمل _!!


لحد ما فيوم من الايام ( خير اللهم اجعله خير ) ربنا هدانى لفكرة جبارة فكرت انى افتح قهوة( او كافيه لزوم الانجليزى يعنى ) كشغلانة مؤقتة على بال ما الشغل الحكومى يجى

ولو مكنتش شايف قهاوى كتير ادامى كنت قولت انى اول واحد يفكر فى الفكرة الجبارة دىبس اكتشفت ان ناس كتير فكرت فيها قبلى ونفذتها


القهوة دى بتشهد على ظلم الزمن لينا (خريجى الجامعات يعنى ) بس اكتشفت ان القهوة دى بيقعد عليها ناس

كتيرفجه فى بالى انهم ناس حالتهم تمام لانهم طول النهار النهار يطلبو طلبات فكلمت واحد فيهم وقولتله

يا بيه حضرتك بتشتغل ايه( اصله متشيك كدا وشكله بن ناس ) فرد عليا رد مكنتش متوقعه

قاللى انا قاعد على القهوة استنى شغل انا وباقى الشلة دى

فكانت القهوة دى مقر للعواطلية ومن يومها غيرت اسم القهوة من قهوة ابو محمود ل(حزب العواطلية ) والبركة فى وزارة القوى

العاملة


وفجأة استيقظت من نومى لاجد نفسى مستلقيا على احد الكراسى فى كافى شوب الكليةانتظر احدى المحاضرات

فاستعذت بالله من الشيطان الرجيم

ونديت على اللى واقف فى الكافى شوب

وقولتله فى هدوء _ واحد شاى وحياة والدك