الثلاثاء، 22 مايو 2012

قصة تُكْملها أنت ..عن من فارقونا أتحدث !



على دقات الواحدة صباحا استلقى على فراشه وقبل أن ينام؛ نظر الى تلك  الصورة المعلقة على الحائط
 لشاب فى العقد الثالث من العمر تتوج وجهه ابتسامة.


على دقات الثامنة صباحا استيقظ كعادته توضأ ثم صلى ثم دعا لولده ما استطاع من الدعوات
ثم أيقظ زوجته وفعلت ما فعله هو منذ دقائق
نظرا الى بعضهما البعض ..لكنه انتبه لتلك الدمعة التى سقطت من عينها دون أن تدرى هى
أزال تلك الدمعة بيده..وقال لها لا تبكى ؛ انظرى الى تلك الصورة المتوجة بالإبتسامة..أعلم يقينا انه على هذه الحالة الأن


أعلم بأنك منذ استشهاده لم تتوقفى عن البكاء.. لكن فى هذا اليوم يجب أن تودعى تلك الأحزان
هاهو اليوم الذى كان يتمناه قبل ارداءه قتيلا قد جاء.. نحن على أعتاب الانتخابات الرئاسية التى طالما حارب من أجل أن يشهدها ويدلى فيها بصوته لمن يريد
لكنه ودع الحياة من أجل أن يشهد غيره تلك اللحظة ..لكنه كما تعلمين ودعنا بابتسامة كأنه يرى مقعده من الجنة


تطرقا لبعض الذكريات التى عاشوها مع ولدهما ..ثم توجها الى اللجنة الإنتخابية
فى الطريق شاهدا صورة لولدهما مكتوبا الى جوارها "المجد للشهداء" ..سقطت دمعة من عينه؛ أزالها سريعا قبل أن تلحظها زوجته
ثم واصلا المسير .. شاهدا بعض لافتات مرشحى الرئاسة وأخرى كُتب عليها "فلول".. وبعض رسوم الجرافيتى المؤيدة للثورة
دخلا الى لجنة الإنتخابات .. أعطى كل واحد منهما بطاقة الرقم القومى للشخص المسئول عن اللجنة.. وضع كل منهما صوته فى صندوق شفاف ..
ثم همس الزوج  سرا "كم من الأشخاص قد ماتو حتى يصل غيرهم الى هذه الصناديق"!


أمام اللجنة وجدا عددا لابأس به من المصوتين كل واحد منهم يتحاور الى من بجواره عن الشخص الذى سيعطى له صوته
اطمأنا  حين علما أن هؤلاء الناس سيعطون أصواتهم لأشخاص كانو وما زالو مع الثورة..


فى الطريق الى المنزل كادت قلوبهم أن تتمزق حين سمعا بعض الناس  يقولون صوتى ل "فلان الفلانى"؛
؛ لأنه كان أحد رموز النظام السابق الذى ثار ولدهما ضده  واستشهد من أجل اسقاطه


فى التلفاز شاهدا البرامج الحوارية التى تتابع سير العملية الإنتخابية ؛؛أخذت التنبؤات تتردد بأن الأصوات تتجه الى أحد المرشحين
 وأنباء أخرى تتحدث عن أن  أحد مرشحى الفلول سيصل الى جولة الاعادة..
أغلقا التلفاز ..قرءا الفاتحة لولدهما الشهيد .. ثم عاشو فى ترقب وانتظار لنتيجة انتخابات الرئاسة ........ " أكْمل " :)



المجد للشهداء :)

الاثنين، 21 مايو 2012

صمت انتخابى !



قَبْل الشهيد ما يموت..

سايبلكوا وصية..

أن كملوا المشوار..

ومتقبلوش دِيـّة..

... دمي اللي كان بيسيل..

كان قصده حرية..

اللي سفك دمّي..

موجود أكيد بينكم..

الفرصة لو تيجي..

تاني هيحكمكم..

وزي ما قتلني..

بكرة هيقتلكم..

فتملّي بيحاول..

يجعلكو ألف فريق..

وعشان ميحكمشي..

مترشحوش "موسي"..

متصوتوش ل "شفيق" !

الاثنين، 14 مايو 2012

تفرق كتير !



ياللى انتو حَسِّيتو بخطر..

يومها وما خُفتوش..

ياللى نزلتو المعركة..

يومها ومَهْربتوش..

هو مين بيحركك؟

حُب البلد..واللا لون الدم..

... دمُّه اللى سَال يومْها كَـتـبْ ..

حق اللى ماتو أَهَم..

كنتو ناويين ترْجَعو..

بحق اللى مات..

يُومْها ومقدرتوش

هتفتو قولتو مكملين

فنزلتو مرجعتوش..

ياللى انتو حَسِّيتو بخطر..

يومها ومنزلتوش..

ياللى سِبـْتُو دمُّه ينْزِفْ..
علشان مَتعرَفُوهوش..

هو ايه هيحركك؟..

واللا مَشُوفـْتش دم..

لمَّا ييجى الدور عليك..

يمكن أكيد تهتم..

لو كنتو ناويين تُسكتو..

عاللى قـَتـَلْ..

اللى كان نازل عشانكو..

يبقى ما تستهلوش..
تفرق كتير..

اللى سِكِتْ.. مَنْزلشْ..

يوميها واستنَّى..

واللى نِزل مرْجِعشْ..

دلوقتى فى الجنة !

الأربعاء، 16 نوفمبر 2011

لسة العدل مجاش !

 
سيبنا الثورة وسلمناها..

أصل الجيش بيقولو حماها..

والحرية اللى بنحلمها..
...
قالو فى سِت شهور نلقاها..

استفتاء تعديل دستور..

حبسو كل نظامنا السابق..

دايرة ولازم كات هتدور..

بعد الحبس صبحو سوابق..

بعد ما عدِّت كل الفترة..

جينا نشوف محصول الثورة..

جينا نحسبها لقينا مفيش..

كل اللى أخدناه من المجلس..

ألف بيان طالع م الجيش..

قولتم ان الموقف صعب..

وضع هياخد وقت كتير..

ثورة وتعبان فيها الشعب..

بس مَحسِّش بالتغيير..

حَس شبابنا بثورة اتسرقت..

قالو هنرجع للتحرير..

فجأة سمعنا وزير بيقول..

فى الداخلية مفيش قناص..

بَعده المجلس قال علطول..

ان مجالناش أى أوامر..

ان الجيش يضرب برصاص..

انا مش قصدى أخوِّن جيشنا..

انا نِفسى افهم من مجلسنا..

قَطر الثورة.. رايح فين؟..

سِبتم مين من غير تخوين؟..

الف شهيد فى الثورة اتقتلو..

اللى قتلهم يطلع مين؟!..

حاجة أخيرة عشان منساش..

دم اخواتنا مش ببلاش..

ثورة ولازم هنكملها ..

علشان لسة العدل ..مجاش !

الخميس، 29 سبتمبر 2011

أنا بُكرة هَفْرَح !



أنا بُكرة هَفْرَح !
مش محل جديد ... ومش يافطة متعلقة على على طريق مصر اسكندرية الصحراوى
أنا بُكرة هَفْرَح !
أول ديوان اليكترونى أكتبه
للتحميل..... طلّع عشرة جنيه من جيبك وحطها تانى فى نفس الجيب:)

لينك التحميل
http://www.mediafire.com/?ml9n6sv37699jyk#१

صفحة الديوان على goodreads

http://www.goodreads.com/book/show/12729086

رأيك يهمنى :)

الجمعة، 5 أغسطس 2011

يــــــ ( رب )ـــا


صحيح يا رب أنا بعصاك

وذنوبى فى الحياة بتكتر

لكنى ي
ارب مطمن

لأن رحمتك ..أكبر

ومهما اعصاك بتغفرلى

وبعد الذنب بتقوللى

أنا مسامحك

وقابل منك التوبة

وبعد يا
رب ما اترجاك

وبعد ما بعلن التوبة

برجع لذنوبى من تانى

يا
رب كتير بِتمهلنى

ومفيش ولا مرة تِهملنى

مفيش ولا مرة تنسانى

ومن تانى

ارجع كالعادة واترجاك

وأقول يا
رب مش هعصاك

يا
رب.. انت اللى قولتلنا

لو احنا فى مرة مغلطناش

هتمحينا

وتخلق فى الحياة غيرنا

ومين فى الدنيا مبيغلطش

ومين فى الدنيا دى معصوم

ندمان ..نعلنها لما نصوم

وتِعْلى ادينا بالدعوة

عشان بالرحمة تقبلنا

نغلط يا
رب وبتغفر

وبعد الذنب نستغفر

ونترجاك...

يا
رب شيطان وبغوينا

فتعلى َ للسما ادينا

عشان بالعفو تقبلنا

نسيب الفرض والسنة

ونستغفر

قلوب طمعانة.. تتمنى

فى يوم ترضيها بالجنة

يا
رب ارضيها بالجنة
.
.
.
يارب :)
==
by *_ma7moud Taha

الخميس، 5 مايو 2011

بداية .... ونهاية



يا رئيس الدولة ياللى...

بـِعت وطنك من سنين...

كان أمان الدولة عندك...

شرطة واقفة فى الكمين...

المواطن رغم خوفه...

عذبوه...

كم ألف طفل فى الشوارع...

شردوه...

أى مصنع كان بينتج...

خصخصوه...

لاء وغازنا للعدو...

صدروه...

كنت عامل فيها طيب...

والحقيقة...

وحش كاسر جوا غابة...

كنت عامل فيها ريس...

والحقيقة...

انت كنت رئيس عصابة...

كان زمان لو قولت حق...

من كرامتى يجردونى...

ولو رفضت وقولت لاء...

بالحياة كانو يدفنونى...

بس فجأة المصرى ثار...

عاللى منه مصر عانت...

والشهيد كاتب بدمه...

افرحو .. أهى مصر عادت...

من زمان انا كنت عارف...

ان يوم النصر جىّ...

وان فجر العدل طالع...

طول ما نبض القلب حىّ...

لو البداية كلمة واحدة...

فالنهاية كلام كتير...

البداية ظلم واضح...

والنهاية...

ثورة انتصرت
فى التحربر
==
by.. *_Mahmoud Taha